U licei ŭ Breście ŭspyška kišačnaj infiekcyi — u balnicu trapili 14 dziaciej
Špitalizavanyja staršakłaśniki znachodziacca ŭ stanie siaredniaj ciažkaści.
18.10.2024 / 12:56
Ilustracyjnaje fota: uvdgomel / Telegram
U licei №1 Bresta ŭspyška kišačnaj infiekcyi. Uviečary 17 kastryčnika i ranicaj 18 kastryčnika 14 dziaciej trapili ŭ infiekcyjnaje adździaleńnie Bresckaj abłasnoj kliničnaj balnicy.
Vučni 9-11 kłasaŭ špitalizavanyja ź simptomami vostraj kišačnaj infiekcyi.
«Va ŭsich łabaratorna paćvierdžana naravirusnaja etyjałohija zachvorvańnia. Zaraz stan usich špitalizavanych pacyjentaŭ siaredniaj ciažkaści, stabilny, sa stanoŭčaj dynamikaj», — paviedamlaje Ministerstva achovy zdaroŭja.
Heta nie pieršy vypadak masavaha zaražeńnia kišačnaj infiekcyjaj u Breście sioleta. U mai ŭspyška zdaryłasia ŭ adnoj z kaviarniaŭ padčas hastrafestu: tady atrucilisia 19 čałaviek.