Kursy Streamline padali na likvidacyju

Kampanija Navučalny centr «Adukacyjnyja technałohii» (Streamline language school) padała na likvidacyju, stała viadoma Aljansu rasśledavalnikaŭ Biełarusi. Pa infarmacyi vydańnia, dva tydni tamu DFR Dziaržkantrolu ładziŭ pravierku ŭ navučalnym centry, jaki ŭ krainie viadomy pad brendam Streamline. 

22.10.2024 / 11:46

Jak pišuć rasśledavalniki, u pačatku kastryčnika ŭ ofis STREAMLINE pryjechaŭ DFR ź pieratrusam, paśla čaho adklučyli ŭnutranyja sierviery, płatformu dla kiravańnia biznesam z usimi instrumientami i resursami. Taksama byli zabłakavanyja rachunki. Vykładčykam nie zmahli vypłacić zarobak, a studenty — apłacić vučobu.

@nashaniva Kursy Streamline buduć likvidavanyja #streamline #strimłajn #učieba #anhlijskij #iazyki #mova #obrazovanije #kursy #anhlijskijiazyk #polskij #niemieckij #ispanskij #biełaruś ♬ Shadows of Love That Never Came to Be - BLUM

Atrymać kamientaryj u kampanii žurnalistam nie ŭdałosia. 

Moŭnaja škoła Streamline zajmaje lidzirujučaje miesca na rynku navučańnia movam u Biełarusi, bolš za 15 hadoŭ pracujučy ŭ hetaj śfiery. Pavodle sajta kampanii, u joj pracuje bolš za 300 vykładčykaŭ.

Nashaniva.com