Biełarus vioz praz Hiermaniju 12 tysiač elektronnych cyharet
U niamieckaj ziamli Baden-Viurtembierh spynili sprobu kantrabandy elektronnych cyharet, jakija vioz u polskim furhonie 28-hadovy biełarus. Pra heta paviedamlaje sajt «Biełaruś i śviet»
30.10.2024 / 15:35
Aŭtamabil z našym suajčyńnikam za rulom byŭ padvierhnuty kantrolu na minułym tydni ŭ zonie adpačynku kiroŭcaŭ na aŭtabanie A5 u rajonie kurorta Baden-Baden. U vyniku pravierki hruzu znajšli 12 517 elektronnych cyharet (272 325 mł vadkaści) bieź nieabchodnych padatkovych dakumientaŭ. Škoda z-za ŭchileńnia ad vypłaty padatku aceńvajecca ŭ 54 465 jeŭra.
Pieravozka tavaru, vidać, ažyćciaŭlałasia ź Niderłandaŭ u Partuhaliju praz Hiermaniju. Pakolki dokazaŭ vypłaty akcyzu abo zakonnaj transparciroŭki na ŭmovach časovaha vyzvaleńnia ad vypłaty nie było, viejpy kanfiskavali, raspačata sprava ab uchileńni. Padatak naličany ŭ poŭnym abjomie, rasśledavańnie praciahvajecca.