U Biełarusi ŭžo niekalki viečaroŭ prablemy ź internetam. Raskazvajem, što adbyvajecca
Karystalniki pišuć, što prablema doŭžycca dziesiać dzion.
31.10.2024 / 17:23
Što adbyvajecca ź internetam u Biełarusi?
Karystalniki ŭ roznych sacyjalnych sietkach pišuć, što štoviečar značna padaje jakaść internetu, pryčym va ŭsich apierataraŭ — jak u Biełtelekama, hetak i ŭ A1 dy MTS.
Nie va ŭsich heta chutkaść ułasna spampoŭvańnia, a prablemy sa strataj pakietaŭ (Packet Loss). Heta značyć, što častka infarmacyi nie dachodzić da atrymalnika — jak kali b zamiest cełaha lista vy atrymlivali jaho kavałkami i hublali častku infarmacyi.
Navat strata adnosna nievialikaha adsotku pakietaŭ moža značna ŭpłyvać na jakaść suviazi. Praz heta, naprykład, ludzi nie mohuć hladzieć patokavaje videa, rabić videazvanki ci hulać u anłajn-hulni.
U čym moža być pryčyna?
Na sajcie Biełtelekama raźmieščana abjava pra toje, što 29 kastryčnika adbyłasia DDoS-ataka. A1 i Cosmos pisali, što mahčymy techničnyja prablemy ŭ vyšejstajačych pravajdaraŭ. A1 pisaŭ pra 30 kastryčnika, u Cosmos paviedamleńni pra DDoS byli 28, 29 i 30 kastryčnika.
Ale heta nie tłumačyć prablemaŭ, jakija doŭžacca 10 dzion.
Prablemy ź internetam pa viečarach pačali zaŭvažać z 20-ch čysłaŭ kastryčnika, jašče da naznačeńnia daty vybaraŭ. Pa słovach ludziej, u techničnaj padtrymcy apierataraŭ dapamahčy nie mohuć.
Ci moža heta być padrychtoŭkaj da vybaraŭ? Ciažka skazać napeŭna. Tearetyčna, śpiecsłužby sapraŭdy mohuć teściravać ci adładžvać niejkuju technałohiju filtracyi trafiku, naprykład, kab adklučać internet u kryzisnych situacyjach nie całkam, a «kavałkami».
Ale pryčyna moža być i banalnaj — niedachop finansavańnia niejkaha kavałka infrastruktury Biełtelekama ci zamiena abstalavańnia na novaje.
Jak ułasnymi rukami stvaryć VPN-siervier, jaki ciažka budzie zabłakavać — padrabiazny hajd
«Łukašenka vyhladaŭ kiepska». Ekśpierty acanili pierśpiektyvy błakavańnia ŭ Biełarusi jutuba
U Biełarusi błakujuć VPN. Što adbyvajecca i jak abyści błakavańnie?