У Бабруйску прадаюць кавалак крэпасці
На аўкцыённай пляцоўцы GosTorg з’явілася аб'ява аб продажы фрагмента знакамітай Бабруйскай крэпасці. Стаць яе ўладальнікам можна ўсяго за 40 рублёў, піша Blizko.by.
31.10.2024 / 13:28
Лот называецца «Склад з фрагментам цаглянай сцяны вал» і знаходзіцца па адрасе: г. Бабруйск, вул. Крэпасці Вал, 27.
Двухпавярховы корпус пабудаваны ў 1820 годзе. Прызначэнне зямельнага ўчастка — для размяшчэння аб'ектаў аптовага гандлю, матэрыяльна-тэхнічнага і харчовага забеспячэння, нарыхтовак і збыту прадукцыі. Пры гэтым аб'ект нерухомасці знаходзіцца ў зоне рэгулявання забудовы гісторыка-культурнай каштоўнасці «Бабруйская крэпасць».
Тут можна размяшчаць рэстараны, кафэ, гандлёвыя аб'екты, клубы па спартыўных інтарэсах, трэнажорныя і спартыўныя залы.
Абавязковая ўмова продажу: выкананне пакупніком рамонтна-рэстаўрацыйных работ на аб'екце нерухомасці на працягу не больш за тры гады з даты заключэння дагавора куплі-продажу.
Стартавая цана лота складае ўсяго 40 рублёў. Пры гэтым абавязковая першая стаўка павінна быць з крокам 5% ад пачатковай цаны лота. Гэта значыць, пакупнік зможа выкупіць крэпасць мінімум за 42 рублі.
Акрамя таго, ён павінен будзе кампенсаваць у бюджэт г. Бабруйска выдаткі на аказанне паслуг па вызначэнні рынкавага кошту капітальнай пабудовы ў памеры 828 рублёў 32 капейкі. Нарэшце, давядзецца кампенсаваць і выдаткі на арганізацыю і правядзенне таргоў — прыблізна яшчэ 90 рублёў. Такім чынам, усяго пакупнік павінен будзе выкласці мінімум 960 рублёў, ці 289 даляраў па актуальным курсе.
Аўкцыён адбудзецца 19 лістапада ў 11:45.