2 listapada čakajuć mocnaha vietru
U Biełarusi ŭ subotu, 2 listapada, prahnazujecca mocny viecier. Pra heta papiaredžvajuć jak sinoptyki, tak i MNS.
01.11.2024 / 16:53
Fota: @nadvorie
1 listapada MNS staŭ adpraŭlać biełarusam SMS pra ŭzmacnieńnie vietru.
«1 i 2 listapada čakajecca mocny viecier da 24 m/s. Budźcie aściarožnyja«, — havorycca ŭ SMS-rassyłcy MNS.
Fota: Komsomolskaja pravda
U Biełhidramiecie taksama abviaścili aranžavy ŭzrovień niebiaśpieki praź vietranaje nadvorje 2 listapada.
Paviedamlajecca, što ŭ subotu na bolšaj častcy Biełarusi, a taksama ŭ Minsku čakajecca ŭzmacnieńnie vietru. Viecier budzie zachodniaha napramku, jaho paryvy buduć dasiahać 15-20 mietraŭ za siekundu. A miescami pa krainie paryvy vietru buduć składać 21-24 mietry za siekundu.
Na karcie nižej apublikavany prahnoz paryvaŭ vietru ad ICON. Hetaja madel čakaje najbolš mocnyja paryvy siońnia nočču i pad ranicu suboty, piša @nadvorie.