U Biełarusi nazirajucca prablemy ź internetam. Voś što pišuć pra heta ludzi
U tyktoku — škvał kamientaŭ pra «inet halimy!».
05.11.2024 / 18:21
Jak my pisali raniej, u Biełarusi stali zaŭvažnymi prablemy ź internetam. Adpaviednyja naviny ŭ tyktoku sabrali tysiačy kamientaroŭ: ludzi nazirajuć takija prablemy.
Pryčym toje tyčycca jak klijentaŭ «Biełtelekama», tak i mabilnych apierataraŭ.
Kamientar «Paśla 9 viečara kožny dzień pačynaje tarmazić ci ŭvohule prapadaje jak vajfaj, tak i mabilny internet» sabraŭ bolš za 1850 łajkaŭ.
«U mianie life, i ź vieraśnia vielmi drennaja jakaść internetu», — piša jašče adzin karystalnik.
«A1 realna tarmozić, mienavita pa viečarach», — dadaje druhi.
«MTS taksama», — zaŭvažaje treci.
«U mianie z A1 nikoli nie było nijakich prablem, ale jak staŭ kastryčnik, štoviečar pačynaje drenna pracavać», — čytajem u kamientaryjach.
«Uvieś kastryčnik mienavita viečaram z hadzin 18 internet žachlivy, videasuviaź vynosić mozh, visić tyktok», — narakaje jašče adzin karystalnik. 266 čałaviek paćvierdzili heta łajkami.
Niekatoryja źviartajuć uvahu na toje, što «Biełtelekam» —manapalist trafiku ŭ krainie. Tamu, kali prablemy ŭ «Biełtelekama», to jany buduć i ŭ inšych apierataraŭ, jakija nabyvajuć u jaho pasłuhi.
«Jany papiaredžvali, što [prablemy] buduć dni 2—3 aryjencirovačna, ale dakładna nie bolš za tydzień», — nahadvaje jašče adzin čałaviek.
Asobnyja karystalniki zaŭvažajuć, što «Biełtelekam» pisaŭ ab DDoS-atakach pa viečarach. Pa infarmacyi inšaha karystalnika, u MTS jamu skazali, što na ich «abrynulisia chakiery».
U A1 prablemu patłumačyli ŭvohule ŭmovami nadvorja. «Ciapier zvanili ŭ A1, skazali ŭmovy nadvorja», — paviedamlaje adzin z karystalnikaŭ.
U toj ža čas častka ludziej nie adčuvaje nijakich prablem ź internetam:
«Nie viedaju, u mianie ŭsio norm», «U mianie taksama zvyčajny inet, jak i byŭ. A siabry nyjuć z-za taho, što ŭ ich inet halimy».
«Tym časam Kitaj teściruje 10G», — kpić adzin z karystalnikaŭ.
Adnak najbolšuju kolkaść łajkaŭ sabraŭ kamientaryj ab tym, što «takija prablemy nazirajucca ŭžo čaćviorty hod, a nie 10 dzion…»
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca
Jak ułasnymi rukami stvaryć VPN-siervier, jaki ciažka budzie zabłakavać — padrabiazny hajd
U Biełarusi błakujuć VPN. Što adbyvajecca i jak abyści błakavańnie?