Ukrainskaja raźviedka paviedamiła pra pieršy vypadak bajavoha sutyknieńnia z vajskoŭcami KNDR
Ukrainskaja raźviedka paviedamiła pra pieršy vypadak bajavoha sutyknieńnia z vajskoŭcami KNDR u Kurskaj vobłaści. Pieršym pra heta paviedamiŭ kiraŭnik Centra supraćdziejańnia dezinfarmacyi (CPD) pry Radzie biaśpieki i nacyjanalnaj abarony Ukrainy Andrej Kavalenka, jaki napisaŭ, što «pieršaja hrupa vajskoŭcaŭ KNDR užo patrapiła pad abstreł na Kurščynie», piša «Nastojaŝieje vriemia».
05.11.2024 / 13:41
Ilustracyjnaje fota KCNA.kp
Inšych padrabiaznaściaŭ jon nie pryvioŭ.
Paśla hetaha Financial Times, spasyłajučysia na vysokapastaŭlenaha supracoŭnika ŭkrainskaj raźviedki, paviedamiła, što sapraŭdy adbyłosia pieršaje bajavoje sutyknieńnie. Krynica nie ahučyła kankretnych padrabiaznaściaŭ, ale adznačyła, što ŭ hetym rehijonie Ukraina kantraluje kala 600 kvadratnych kiłamietraŭ terytoryi.
Pa danych ukrainskaha boku, vojski KNDR raźmieščany ŭ kazarmach prykładna za 50 kiłamietrach ad miažy i rychtujucca da ŭdziełu ŭ bajach u najbližejšyja «niekalki dzion».
Prezident Ukrainy Uładzimir Zialenski, spasyłajučysia na raźviedsłužby, zajaviŭ, što ŭ Kurskuju vobłaść było pierakinuta 11 tysiač vajskoŭcaŭ z Paŭnočnaj Karei.
ZŠA pryhrazili źniać abmiežavańni na zbroju dla Ukrainy, kali KNDR ustupić u vajnu
8 tysiač karejcaŭ mohuć kinuć u boj na Kurščynie «najbližejšymi dniami»
Źjaŭleńnie paŭnočnakarejskich vojskaŭ va Ukrainie — krok da Treciaj suśvietnaj?