Zołatavalutnyja reziervy abnavili čarhovy maksimum
U tym liku dziakujučy i rostu cany na zołata.
06.11.2024 / 11:04
Na 1 listapada zołatavalutnyja reziervy Biełarusi vyraśli da $8933,9 młn, paviedamlaje Nacbank. Za miesiac jany vyraśli na $ 75,6 młn.
ZVR Biełarusi pavialičvajucca čaćviorty miesiac zapar. Za vierasień zołatavalutnyja reziervy dadali $161,2 młn, a za žnivień jany pavialičylisia na $165,1 młn.
Jak i miesiacam raniej, pryrost atrymaŭsia dziakujučy padaražańniu zołata.
«Załaty zapas» ciapier aceńvajuć u $4745,3 młn, miesiacam raniej jon byŭ roŭny $4567,4 młn. za miesiac — plus $177,9 młn.
U toj ža čas praciahvaje źnižacca košt reziervovych aktyvaŭ u zamiežnaj valucie: z $2891,6 młn da $2811,8 młn za miesiac.