Jak adroźnivajucca ceny na pradukty ŭ Minsku i Maskvie
Paraŭnali, kolki adnyja i tyja ž pradukty kaštujuć u Biełarusi i Rasii.
09.11.2024 / 09:17
Ilustracyjny zdymak. Fota: Contributor Getty Images
Ceny na pradukty ŭziatyja z sajtaŭ anłajn-hipiermarkietaŭ, jakija pracujuć u Minsku i Maskvie. U paraŭnańnie trapili tolki 100% anałahičnyja tavary, pa mahčymaści ŭ abiedźviuch krainach bralisia tyja samyja handlovyja sietki.
Masła «Brest-Litoŭsk» 82,5% 180 h u Minsku kaštuje 4,83 bieł. rubla. U Maskvie jano kaštuje 250 ras. rubloŭ, što kala 8,5 rubla biełaruskimi.
Fota: skrynšoty z sajtaŭ p24.by i perekrestok.ru
Rasijski słaniečnikavy alej «Załataja siemiečka» 1 litr kaštuje 5,5 rubla ŭ Minsku i 174 rubloŭ (kala 6 bieł. rub.) u Maskvie.
Śmiatana «Brest-Litoŭsk» 20%, 180 h u Minsku kaštuje 1,71 rubla, a ŭ Maskvie — 77 rubloŭ (2,6 bieł. rub.).
Fota: skrynšot z sajtaŭ edostavka.by i myspar.ru
Syr «Brest-Litoŭsk Kłasičny» 45% 200 h u biełaruskaj sietcy Spar pradajecca za 4,54 rubla, a ŭ rasijskaj za 190 rubloŭ rasijskich (kala 6,5 rubla biełaruskich).
Fota: skrynšoty z sajtaŭ almi-dostavka.by i myspar.ru
File sieladca «Macijas» aryhinalnaje 400 h u Biełarusi pradajecca za 8 rubloŭ, a ŭ Rasii za 310 (kala 10,5 rubla biełaruskaha).
Jajki kurynyja Spar C-1 u Minsku kaštujuć 3,74 rubla, a ŭ Maskvie dziasiatak jajek Spar C-1 pradajuć za 120 rubloŭ rasijskich (kala 4 rubloŭ biełaruskich).
Fota: skrynšoty z sajtaŭ almi-dostavka.by i myspar.ru
Italjanskija spahieci Barilla 450 hramaŭ u biełaruskaj sietcy Spar pradajucca za 4,08 bieł. rub, a ŭ rasijskim Spar za 130 rubloŭ (kala 4,4 rubla biełaruskaha).
Kava Jacobs Monarch Original 95 h u minskim Spar pradajecca za 13 rubloŭ, a ŭ maskoŭskim za 325 rubloŭ rasijskich (kala 11 rubloŭ biełaruskich).
Fota: skrynšoty z sajtaŭ almi-dostavka.by i myspar.ru
Čaj čorny Greenfield Golden Ceylon 25 pakiecikaŭ u Biełarusi kaštuje 3,82 rubla, a ŭ Rasii — 140 rubloŭ, što kala 4,7 rubla biełaruskaha.
Kiłahram cukru ŭ Biełarusi kaštuje ad 2,62 rubla, a ŭ Maskvie ad 64 rubloŭ rasijskich (kala 2,2 rubla biełaruskimi).