WSJ padzialiłasia detalami płana Trampa nakont vajny va Ukrainie
U pierachodnaj administracyi Donalda Trampa abmiarkoŭvajuć novy scenar zaviaršeńnia kanfliktu pamiž Rasijaj i Ukrainaj, piša The Wall Street Journal.
07.11.2024 / 08:52
Donald Tramp. Fota: Manuel Balce Ceneta / AP
Płan składajecca z nastupnych punktaŭ.
Ciapierašniaja linija frontu zamarožvajecca, pa ŭsioj praciahłaści abjaŭlajecca demilitaryzavanaja zona.
Chto budzie harantavać jaje biaśpieku — pakul nieviadoma, ale adzin z surazmoŭcaŭ haziety vyklučyŭ zadziejničańnie amierykanskich vojskaŭ abo kantynhientaŭ AAN ci arhanizacyj, jakija finansujucca ZŠA.
Ukraina admovicca ad płanaŭ ustupić u NATA jašče jak minimum 20 hadoŭ.
Za heta ZŠA praciahnuć zabiaśpiečvać jaje ŭzbrajeńniami.
«My možam navučać vajskoŭcaŭ i akazvać inšuju padtrymku, ale zajmacca hetym buduć u pieršuju čarhu krainy Jeŭropy my nie pasyłajem amierykanskich mužčyn i žančyn padtrymlivać mir na Ukrainie. I my nie płacim za heta. Pasprabujcie prapanavać palakam, niemcam, brytancam i francuzam hetym zaniacca», — skazaŭ člen kamandy respublikanca na ŭmovach ananimnaści.
Kali Ukraina zachavaje suvierenitet uzamien za niejtralnaść, što heta budzie značyć dla Biełarusi?
Uładzimir Zialenski pavinšavaŭ Donalda Trampa