Sabalenka nie zhulaje ŭ finale vynikovaha turniru WTA
Pieršaja rakietka śvietu nie zmahła pieramahčy ŭ paŭfinale apošniaha prestyžnaha turniru hoda.
08.11.2024 / 22:38
Aryna Sabalenka. Fota: Christophe Ena, AP
U paŭfinale Aryna Sobalenka sustrełasia z treciaj rakietkaj śvietu Kory Haŭf z ZŠA. U pieršym secie tenisistki dajšli da taj-brejka, dzie biełaruska sastupiła ź likam 4:7.
U druhoj partyi sapiernicy sistematyčna abmieńvalisia prajhranymi padačami, ale ŭ hetaj pierastrełcy bolš udačlivaj akazałasia amierykanka — 6:3. Takim čynam, Sabalenka sastupiła ŭ dvuch setach — 6:7, 3:6.
U finale vynikovaha turniru WTA Haŭf zhulaje z kitajskaj tenisistkaj Čžen Cyńveń.
Niahledziačy na parazu, Sobalenka ŭžo zabiaśpiečyła sabie pieršaje miesca ŭ suśvietnym rejtynhu pa vynikach siezona paśla niaŭdačy polki Ihi Śviontak na vynikovym turniry.