U Prypiackim nacyjanalnym parku adšukali staražytnyja kurhany
Ale čornyja kapačy zrabili heta raniej.
09.11.2024 / 21:59
Padčas palavych daśledavańniaŭ terytoryj nacyjanalnaha parku «Prypiacki» ŭ Aziaranskim laśnictvie archieołah vyjaviŭ raniej nieviadomuju hrupu kurhanoŭ. Jana składajecca z šaści kurhanoŭ vyšynioj ad 0,5 da 2 mietraŭ.
Pry ahladzie było vyjaŭlena, što niekatoryja kurhany paškodžany niezakonnymi raskopkami «čornych kapalnikaŭ» i staroj haspadarčaj darohaj 1950-ch hadoŭ.
Ciapier kurhany ŭniesieny ŭ bazu asabliva achoŭnych terytoryj i abjektaŭ nacparku. Dla vyśviatleńnia kulturna-histaryčnaj prynaležnaści buduć praviedzieny dalejšyja daśledavańni.
Heta nie pieršaja archieałahičnaja znachodka, zroblenaja ŭ 2024 hodzie ŭ hetych zapaviednych miaścinach. Naprykład, u lipieni byli znojdzieny dźvie hrupy z 9-i i 2-ch kurhanoŭ, a taksama adzinočny kurhan. Heta ŭzhorki dyjamietram ad 8 da 13 mietraŭ i vyšynioj da 2 mietraŭ.
Hetyja nasypy źjaŭlajucca pachavalnymi zbudavańniami staražytnaha nasielnictva Paleśsia epochi bronzy abo siaredniaviečča.
Pry stvareńni novaha ekałahičnaha maršrutu «Chłupinskaja Buda» było znojdziena staražytnaje pasielišča epochi niealitu. U vyniku raskopak znojdzieny kremnijevyja pryłady pracy i frahmienty kieramičnaha posudu ŭzrostam da 5 tysiač hadoŭ.