Aleksijevič: Ja viarnusia, kali narod vierniecca
U novym vypusku TOKu piśmieńnica, nobieleŭskaja łaŭreatka Śviatłana Aleksijevič raskazała, pry jakich abstavinach jana vierniecca ŭ Biełaruś.
11.11.2024 / 18:26
Jak viadoma, Śviatłana Aleksijevič padtrymała pratesty 2020-ha hoda, uvajšła ŭ skład prezidyuma Kaardynacyjnaj rady. U kancy vieraśnia 2020 hoda jana źjechała za miažu.
Łukašenka publična zajaŭlaŭ, što Śviatłana Aleksijevič zdradziła Biełarusi i vyjechała.
Sama piśmieńnica zaŭvažaje: «Kali mnie było b chacia b 40 hadoŭ i było zdaroŭje, to, zrazumieła, možna było nie vyjazdžać. Ale z maim zdaroŭjem mianie b chapiła na Akreścina na dva dni».
Aleksijevič zhadvaje, što ŭ svoj čas, u 2018 hodzie, Łukašenka nie daŭ adśviatkavać jaje 70-hodździe. «Ja padumała: «Boža, jakaja nianaviść pavinna być u čałavieka, kab jon tak pavodziŭ siabie».
«Ja b skazała, što heta taja ž chvaroba, što i ŭ Zianona Paźniaka. Reŭnaść. Jon ža z kožnym moža zrabić usio, što choča. A tut nie moža. Jon bačyć, što čałaviek dumaje inakš. I šmat jakija rečy jamu prosta niezrazumiełyja, ab čym ja havaru. Heta jašče bolš [jaho] złuje.
Nu kamu spadabajecca, kali ja havaru, što dyktatura heta małakulturnaja reč (…) Chiba jon navat abradavaŭsia, kali ja vyjechała», — tłumačyć piśmieńnica pryčyny niehatyŭnych adnosin Łukašenki da siabie.
«Kali jon choča, kab ja ciapier viarnułasia… Ja viarnusia, kali narod vierniecca. [Bo] jak heta budzie? [Chaj] ja viarnusia, navat kali jon mnie harantuje — chacia va ŭsie jaho harantyi ja nie vieru. A jak ja budu vyhladać pierad tymi ludźmi, čyje dzieci žyvuć z babulami, dziadulami, [bo baćki siadziać]? Čakajuć hetych cukierak».
Aleksijevič tłumačyć, čamu jana zhadała pra cukierki:
«Pieramožam, tady buduć cukierki», — skazaŭ mnie adzin maleńki chłopčyk, jaki pierabieh u Vilniu. Ja pryniesła cukierki, jon tak abradavaŭsia. «A mnie tata skazaŭ, što kali my pieramožam, tady ŭ domie budzie šmat cukierak. I ja čakaju».
Hladzicie całkam:
«Spačatku ŭ nas skrali krainu, ciapier vykradajuć najlepšych z nas»: zajava Śviatłany Aleksijevič
Aleksijevič zaklikała AAN nakiravać u Biełaruś manitorynhavuju misiju
Sa školnaj prahramy pa litaratury prybrali Śviatłanu Aleksijevič
Śviatłana Aleksijevič: Mierkiel pierabolšvaje, kali ličyć, što na Łukašenku možna ŭpłyvać