Ministarka roŭnych pravoŭ Šviecyi pakutuje ad niezvyčajnaj fobii — jana baicca bananaŭ
Dla jaje kamandy heta aznačaje nieabchodnaść staranna rychtavacca da kožnaha vizitu.
16.11.2024 / 13:56
Paŭlina Brandbierh. Fota ź jaje instahrama
Ministarka roŭnych pravoŭ Šviecyi Paŭlina Brandbierh pakutuje ad niezvyčajnaj fobii — jana baicca bananaŭ Ab hetym paviedamlaje šviedskaja hazieta Expressen.
Dla jaje kamandy heta aznačaje nieabchodnaść staranna rychtavacca da kožnaha vizitu: supracoŭniki pavinny praviarać pamiaškańni, dzie budzie znachodzicca Brandbierh.
Naprykład, pierad sustrečaj sa śpikieram šviedskaha parłamienta jaje kamanda papiaredziła: «Nie pavinna być ni śledu bananaŭ».
Na heta ŭ adkaz było skazana: «Dziakuj, da kavy, vierahodna, budzie padadzieny tort, i my prasočym, kab u im nie było bananaŭ. Adnak u susiednich pamiaškańniach i kalidorach jość fruktovyja košyki z bananami. Ci budzie dastatkova, kali my prybiarem ich ranicaj u dzień sustrečy?».
Kamanda Brandbierh adkazała: «Budziem vielmi ŭdziačnyja, kali vy ich prybiarecie ranicaj u hety ž dzień».
U kamientary dla Expressen ministr spačatku zajaviła: «Možna skazać, što heta niejkaja alerhija». Paźniej jana ŭdakładniła ŭ piśmovaj formie, što heta ŭsio ž fobija.
«Ja atrymlivaju prafiesijnuju dapamohu dla vyrašeńnia hetaj prablemy», — pryznałasia jana. Brandbierh prachodzić lačeńnie ad tryvožnaha razładu.