Pamior zasnavalnik viadomaj jeŭrapiejskaj sietki kram adzieńnia — jany jość i ŭ Minsku
Miljarder Frydrych Knap, zasnavalnik i kiraŭnik sietki kram adzieńnia New Yorker, pajšoŭ z žyćcia.
16.11.2024 / 18:47
Krama New Yorker u Minsku. Fota: «Jandeks»
U jaho zastalisia troje dziaciej i spadarožnica žyćcia, piša Bild.
Knap pieratvaryŭ New Yorker, zasnavanuju ŭ Nižniaj Saksonii (heta paŭnočny zachad Hiermanii), u hłabalnuju modnuju impieryju. Siońnia ŭ kampanii bolš za 1200 filijałaŭ u 47 krainach i kala 23 000 supracoŭnikaŭ. U Biełarusi jość taksama niekalki kramaŭ hetaha brendu.
Knap, jaki redka źjaŭlaŭsia na publicy, pamior na vostravie Ziult, kudy prybyŭ na minułym tydni paśla praciahłaha lačeńnia ŭ Šviejcaryi. Pa danych haziety Braunschweiger Zeitung, jon ciažka zachvareŭ kala hoda tamu.