Ukraina płanuje ŭ najbližejšyja dni vykarystać amierykanskuju zbroju vialikaj dalokaści dla ŭdaraŭ pa Rasii
Napiaredadni ZŠA, Francyja i Vialikabrytanija dazvolili Ukrainie nanosić udary svaim uzbrojeńniem pa hłybini terytoryi Rasii.
18.11.2024 / 09:45
Sistema ATACMS. Fota: South Korean Defense Ministry via Getty Images
Ukraina płanuje ŭ najbližejšyja dni vykarystać amierykanskuju zbroju vialikaj dalokaści dla ŭdaraŭ pa Rasii. Razmova idzie pra rakiety ATACMS, adznačaje Reuters.
«Nieviadoma, ci admienić Tramp rašeńnie Bajdena, kali jon ustupić na pasadu» [paśla 20 studzienia 2025 hoda — NN], — adznačaje ahienctva.
Učora stała viadoma, što Džo Bajden dazvoliŭ Ukrainie vykarystoŭvać amierykanskuju dalnabojnuju zbroju dla ŭdaraŭ pa Rasii. Razmova idzie pra vykarystańnie rakiet vialikaj dalnaści dla abarony ŭkrainskich sił na Kurskaj vobłaści. Ale paźniej Bajden moža dazvolić Ukrainie vykarystoŭvać ATACMS nie tolki tam.
Bajden pryniaŭ takoje rašeńnie ŭ adkaz na dziejańni RF, jakaja zadziejničała ŭ bajavych dziejańniach vojski Paŭnočnaj Karei.
Francyja i Vialikabrytanija taksama dazvolili Uzbrojenym Siłam Ukrainy nanosić udary pa hłybini Rasii svaimi rakietami SCALP i Storm Shadow, paviedamlaje Le Figaro.
Bajden dazvoliŭ Ukrainie nanosić udary pa Rasii amierykanskimi rakietami dalokaha radyusu dziejańnia
Zialenski prakamientavaŭ dazvoł ZŠA atakavać terytoryju RF
Syn Trampa nazvaŭ idyjotami tych, chto daŭ dazvoł na dalnabojnyja ŭdary pa Rasii