U Minsku barmen pasvaryŭsia ź siabram i razhramiŭ dzieviać mašyn z dapamohaj śmietnicy
Jon biŭ pa pryparkavanych aŭto rukami, nahami i navat žaleznaj urnaj.
18.11.2024 / 15:51
Ilustracyjnaje fota
Žychary damoŭ pa vulicach Hałubka i Aładavych ranicaj zaŭvažyli, što adrazu ŭ dzieviaci mašyn, jakija stajali na parkoŭcy ŭ dvary, paškodžanyja vokny, lusterki, kuzaŭ i sałony. Akazałasia, usiamu vinoj svarka siabroŭ.
24-hadovy barmen tym viečaram pasvaryŭsia ź siabram i vyrašyŭ napicca. Pad hradusam chłopiec adpraviŭsia hulać pa načnym horadzie.
Raptam barmenu zachaciełasia spahnać złość na pryparkavanych u čužym dvary aŭtamabilach. Jon staŭ hramić mašyny: biŭ pa ich rukami, nahami i inšymi pradmietami, jakija byli pad rukoj, u tym liku śmietnicaj.
Zatym chłopiec zabraŭsia ŭ adnu z mašyn i prajechaŭ niekalki mietraŭ, vykarystoŭvajučy knopku startara. Paśla hetaha jon vyjšaŭ z aŭto i ŭciok.
Ciapier na barmena raspačali kryminalnuju spravu.