U Turcyi prapali dźvie biełaruskija alpinistki
16 listapada dźvie siastry adpravilisia ŭ pachod u Nacyjanalny park Jedyhieler, praź niekatory čas suviaź ź imi pierapyniłasia.
19.11.2024 / 15:44
U Turcyi pačalisia pošuki dźviuch biełaruskich alpinistak-siaścior Valanciny i Maryi Ivankovych, jakija źnikli ŭ rajonie hornaha chrybta Aładahłar kala nasielenaha punkta Čamardy (il Nihdzie ŭ centralnaj častcy krainy), paviedamlaje «Pozirk» sa spasyłkaj na Haberturk.
Pavodle infarmacyi miedyja, 16 listapada siostry adpravilisia ŭ pachod u Nacyjanalny park Jedyhieler, praź niekatory čas suviaź ź imi pierapyniłasia.
U rehijon byli nakiravany pošukavyja hrupy ŭpraŭleńnia pa nadzvyčajnych situacyjach i likvidacyi nastupstvaŭ stychijnych biedstvaŭ MUS Turcyi, a taksama žandarmieryi.
Pošukava-vyratavalnyja raboty viaducca jak z pavietra, tak i ź ziamli.