Śpiecpasłańnikam pa Ukrainie Tramp choča zrabić byłoha načalnika raźviedki
Abrany prezident ZŠA moža pryznačyć byłoha načalnika raźviedki Ryčarda Hrenviła śpiecpasłańnikam pa vajnie va Ukrainie. Pra heta piša Reuters sa spasyłkaj na čatyry daśviedčanyja krynicy.
23.11.2024 / 13:26
Fota: Darko Vojinovic / AP
U pieršy termin prezidenctva Trampa Hreneł taksama byŭ pasłom ZŠA ŭ Hiermanii i śpiecyjalnym pradstaŭnikom prezidenta na mirnych pieramovach Sierbii i Kosava.
Uletku 2024 hoda Hreneł vystupaŭ za stvareńnie «aŭtanomnych zon» va Ukrainie dziela spynieńnia vajny. Taksama jon zajaŭlaŭ, što nie padtrymlivaje ŭstupleńnie Ukrainy ŭ NATO ŭ najbližejšaj budučyni.
Zaraz pasady śpiecpasłańnika pa vajnie va Ukrainie nie isnuje.
Pradstaŭnica štaba Trampa Kerałajn Levit admoviłasia kamientavać mahčymaje stvareńnie pasady i pryznačeńnie na jaje Hrenieła. Sam Hreneł, jaki raniej ličyŭsia hałoŭnym pretendentam na pasadu dziaržsakratara ZŠA, nie adkazaŭ na pytańni Reuters.