Adkryty konkurs jeŭrapiejskich stypiendyj na navukovyja stažyroŭki i daśledavańni
Prahrama EU4Belarus — SALT (Support for Advanced Learning and Training) abviaščaje novy konkurs na atrymańnie akademičnych stypiendyj dla biełaruskich daśledčykaŭ, vykładčykaŭ i daktarantaŭ, jakija paciarpieli z-za svajoj aktyŭnaj hramadzianskaj pazicyi.
26.11.2024 / 15:24
Pamier stypiendyj — ad 6200 da 18 600 jeŭra.
Zajaŭki prymajucca da 15 studzienia 2025 hoda.
Praciahłaść stažyroŭki — ad 100 da 300 dzion u pieryjad z 28 krasavika 2025 hoda da 31 žniŭnia 2026-ha. Prachodzić stažyroŭki možna va ŭniviersitetach i daśledčych instytutach ES.
Prahrama finansujecca Jeŭrapiejskim sajuzam. Stypiendyja pryznačana dla prachodžańnia navukovaj stažyroŭki abo praviadzieńnia dysiertacyjnaha daśledavańnia ŭ jeŭrapiejskich navučalnych ustanovach. Stypiendyja ŭ tym liku pakryvaje: źbirańnie nieabchodnaj infarmacyi dla daśledavańniaŭ, čytańnie haściavych lekcyj, supracoŭnictva dla padrychtoŭki prac, jakija recenzujucca, udzieł u sieminarach abo inšyja aktyŭnaści, skiravanyja na pavyšeńnie kvalifikacyi.
Bolš infarmacyi pra mahčymaści i ŭmovy stažyroŭki čytajcie pa spasyłcy.