«Zadryžać i atarapiejuć». MZS Rasii abiacaje kary ZŠA z-za dazvołu Ukrainie vykarystoŭvać ATACMS dla ŭdaraŭ pa Rasii
Rasija dabjecca taho, kab ZŠA «zadryžali i atarapieli» ad nastupstvaŭ, jakimi «pahražaje ich uciahnutaść va ŭkrainski kanflikt», zajaviŭ RIA Novosti namieśnik kiraŭnika MZS RF Siarhiej Rabkoŭ.
28.11.2024 / 13:45
Fota: mod_russia / Telegram
«Amierykanskija płaniroŭščyki, amierykanskija palityki ź nievierahodnaj lohkaściu razvažajuć ab hieahrafii prymianieńnia ich srodkaŭ, ab dalokaści prymianieńnia ich srodkaŭ. Jany pavinny razumieć, hetyja samyja płaniroŭščyki, što tym samym jany paćviardžajuć fakt taho, što ZŠA stali ŭžo, nazyvajučy rečy svaimi imionami, bokam dadzienaha kanfliktu», — skazaŭ rasijski dypłamat.
Jašče niejki čas tamu, adznačyŭ Rabkoŭ, dadzienaja situacyja vyklikała b dryžyki i torap u Vašynhtonie.
«Ciapier hetaha nie adbyvajecca. Ale my damožamsia taho, kab dryžyki i torap ich achapili. Usio ž ich treba pryvodzić da prytomnaści, i toje, što ciapier robicca z našaha boku, nacelena roŭna na heta», — zajaviŭ jon.
U minuły čaćvier Uładzimir Pucin vystupiŭ sa zvarotam da rasiejcaŭ. Jon zajaviŭ, što Maskva ŭ adkaz na ŭdary USU pa abjektach u Kurskaj i Branskaj abłaściach amierykanskimi i brytanskimi dalnabojnymi rakietami ATACMS i Storm Shadow vyprabavała adnu z najnoŭšych rakietnych sistem siaredniaj dalokaści «Arešnik».
Rasijanie nanieśli ŭdar balistyčnaj rakietaj u biaźjadziernym abstalavańni pa Dniapry.
Načalnik Hienštaba Biełarusi nazvaŭ zapusk «Arešnika» pa Dniapry žestam dobraj voli
SBU pakazała reštki rasijskaj rakiety «Arešnik»
Pucin zajaviŭ pra pačatak sieryjnaj vytvorčaści «Arešnikaŭ»
Rasija moža mieć tolki niekalki takich rakiet, jakuju jana zapuściła pa Dniapry
Pucin zajaviŭ pra ŭdary pa Ukrainie novaj zbrojaj, jakaja «nie pierachoplivajecca»
Balistyčnaja rakieta, zapuščanaja siońnia Rasijaj pa Ukrainie, była nie takoj, jak zrazu padavałasia