U Mahilovie pradajuć 23-hadovy VW Golf 4 za 9000 dalaraŭ. Što ŭ im takoha?
«Zavodskaja afarboŭka. Numary nie pradajucca», — havorycca ŭ apisańni.
28.11.2024 / 19:50
Fota tut i dalej: av.by
U Mahilovie zadoraha pradajuć stary VW Golf. Aŭtamabil 2001 hoda vypusku, pad kapotam u jaho bienzinavy ruchavik abjomam 1,6 litra, jaki pracuje ŭ pary z AKPP.
Zajaŭleny prabieh — 215 000 kiłamietraŭ. Pradaviec śćviardžaje, što aŭtamabil znachodzicca ŭ zavodskaj afarboŭcy.
Taksama ŭ apisańni paznačana, što numary razam z mašynaj nie pradajucca. Ale jakaja tam kambinacyja ličbaŭ i litar — nieviadoma, bo na ŭsich zdymkach numary schavanyja.
Zvonku aŭtamabil na svoj uzrost sapraŭdy vyhladaje dobra, ale acanić stan sałonu pa fota niemahčyma.
Piarednija siadzieńni chavajucca pad čachłami, na styrno naciahnuta aplotka, jakaja trymaje płanšet. Abšyŭka dźviarnoj karty vyhladaje krychu zašarpanaj.
Ahułam u aŭto chapaje nie zavadskich aksiesuaraŭ. Na paneli možna zaŭvažyć macavańnie dla telefonu i dyvančyk-trymalnik ź dziaržaŭnym hierbam unutry. Taksama pad vietravym škłom jość niešta padobnaje da propusku, stylizavanaha pad dziaržaŭny ściah.
Na zadnich dźviarach i bahažniku prahladajucca nie zavodskija štorki, na ŭsich voknach ustalavanyja vietraviki.
Va ŭsim inšym, aproč cany ŭ 9 tysiač dalaraŭ, — heta šarahovy VW Golf 4 z nadziejnym, ale daloka nie samym topavym ruchavikom. Prabieh aŭtamabila taksama nie taki ŭžo maleńki, kab jon mieŭ niejkuju kalekcyjnuju vartaść.
Golf čaćviortaha pakaleńnia vypuskali z 1997 pa 2006 hod.
Jak baraćba za ekałohiju i sankcyi pryviali jeŭrapiejski aŭtapram da kryzisu
U Minsku pradajuć 24-hadovuju Alfa Romeo 166 za 15 tysiač dalaraŭ. Što ŭ joj takoha?
Litoŭskaja mytnia čarhovy raz uskładniła ŭmovy dla tranzitu aŭto z ZŠA ŭ Biełaruś. Jakija aŭto ciapier mohuć zachrasnuć u porcie Kłajpiedy?