Minskaje «Dynama» prajhrała čaćvierty matč u Lizie kanfierencyj VIDEA
Siońnia «Dynama» sastupiła ŭ azierbajdžanskim Sumhaicie «Kapienhahienu» ź likam 1:2.
28.11.2024 / 22:37
Priessboł
Datčanie zabili pieršymi, potym «Dynama» zraŭniała, ale «Kapienhahien» u druhim tajmie ź pienalci vyjšaŭ napierad.
«Dynama», jakoje ŭ paniadziełak znoŭ stała čempijonam Biełarusi pa futbole, prajhrała va ŭsich čatyroch matčach asnoŭnaha etapu treciaha pa ranžyru jeŭrakubka: raniej — šatłandskamu «Chartsu» (1:2), finskamu CHIKu (0:1), polskaj «Lehii» (0:4).
U ahulnaj turnirnaj tablicy «Dynama» zajmaje pieradapošniaje 35-je miesca. Kab prajści ŭ nastupny etap, treba być nie nižej za 24-je miesca (u «Panacinaikasa» — 4 bały).
Kamandzie zastałosia pravieści dźvie hulni: z takim ža słabym paŭnočnairłandskim «Łarnam» (12 śniežnia) i hreckim «Panacinaikasam» (19 śniežnia).
Darečy, tolki ŭ «Dynama» i «Łarna» niama nabranych bałaŭ.