Hruzinski premjer abvinavaciŭ jeŭrapiejskich palitykaŭ i «piatuju kałonu» ŭ arhanizacyi pratestaŭ u Tbilisi
Ab hetym Iraklij Kabachidze zajaviŭ padčas terminovaha bryfinhu. Pavodle jaho słoŭ, ułady Hruzii nie dazvolać u krainie «Nacmajdanu».
30.11.2024 / 14:11
«Nas turbuje toje, što da siońniašniaha dnia my nie pačuli zaklikaŭ ad jakoj-niebudź zamiežnaj arhanizacyi adnosna mirnaha vykazvańnia pratestu. <…> My zaklikajem zamiežnyja arhanizacyi spynić padtrymku hvałtoŭnych i biespadstaŭnych pratestaŭ, jakija raspalvajuć antyjeŭrapiejskija nastroi ŭ hruzinskim hramadstvie», — skazaŭ Kabachidze.
Taksama jon zajaviŭ, što praces jeŭraintehracyi Hruzii nie byŭ zamarožany ci vyklučany, a tolki źniaty z paradku dnia da 2028 hoda. Pavodle jaho słoŭ, ułady pajšli na hety krok, kab paźbiehnuć krokaŭ z boku ES.
28 listapada Kabachidze abviaściŭ, što Hruzija admaŭlajecca ad luboha abmierkavańnia ź Jeŭrasajuzam pytańnia ab ustupleńni ŭ aljans da 2028 hoda. Paśla hetaha prezident Hruzii Sałamie Zurabišvili abvinavaciła ŭrad u kanstytucyjnym pieravarocie.
Hramadzianie krainy dva dni zapar vychodziać na pratesnyja akcyi.
Palicyja znoŭ razahnała mitynh u centry Tbilisi
U Hruzii praciahvajucca pratesty, palicyja prymianiła vadamioty
U Tbilisi ŭ znak pratestu prypyniŭ pracu restaran, papularny ŭ lidaraŭ «Hruzinskaj mary»
Polšča ŭviała «asablivyja miery» dla vydačy humanitarnych viz biełarusam u Hruzii