U Rasii, zdajecca, admovilisia ad praviadzieńnia «anałahu Alimpijady»
Praviadzieńnie anansavanych raniej alternatyŭnych Alimpijadzie Suśvietnych hulniaŭ družby aficyjna adkładziena na niavyznačany termin. Heta vynikaje z ukaza Uładzimira Pucina, apublikavanaha na rasijskim partale pravavoj infarmacyi.
03.12.2024 / 00:06
Pieršapačatkova hulni pavinny byli prajści ŭ vieraśni 2024 hoda ŭ Maskvie i Jekaciarynburhu, paśla byli pieraniesienyja na 2025 hod, a ciapier adkładzienyja da «asablivaha rasparadžeńnia».
Stvareńnie hulniaŭ družby mieła stać adkazam rasijskich uładaŭ na adchileńnie jaje spartsmienaŭ ad udziełu ŭ mižnarodnych spabornictvach u suviazi z vajnoj va Ukrainie. Pavodle zadumki arhanizataraŭ, prajekt pavinien byŭ stać anałaham inicyjatyvy SSSR 1984 hoda — spartyŭnaha fiestyvalu «Družba-84», jaki adbyŭsia zamiest Alimpijady ŭ Łos-Andželesie, bajkatavanaj krainami sacłahiera.
Namier arhanizavać Suśvietnyja hulni družby vyklikaŭ krytyku z boku Mižnarodnaha alimpijskaha kamiteta, jaki nazvaŭ mierapryjemstva palityčna matyvavanym. Arhanizacyja pieraścierahała spartsmienaŭ ad udziełu ŭ ich, pahražajučy sankcyjami.
U 2023 hodzie Minsportu Rasii prapanoŭvała pravieści častku prahramy spabornictvaŭ Suśvietnych hulniaŭ družby ŭ Minsku. Namieśnik ministra sportu Biełarusi Alaksandr Baravula tady kazaŭ, što Biełaruś hatovaja ŭziać na siabie rolu suarhanizatara.
Chto toj u mascy — samaja vialikaja zahadka cyrymonii adkryćcia Alimpijady ŭ Paryžy razhadanaja
Biełarusam i rasijanam dazvolili ŭziać udzieł u cyrymonii zakryćcia Alimpijady
Bjorndalen admaŭlajecca ad pracy trenieram, kab być bolš ź siamjoj
Stała viadoma, chto moža ŭznačalić Mižnarodny alimpijski kamitet