U kłasnych žurnałach buduć źviestki ab miescy pracy baćkoŭ
Taksama farmuloŭka «zakonnyja pradstaŭniki» budzie zamieniena słovam «baćki».
03.12.2024 / 07:51
Heta praduhledžana pastanovaj Minadukacyi ad 21 listapada, jakaja apublikavana na Nacyjanalnym pravavym partale. Pastanova ŭstupić u siłu z 1 vieraśnia 2025 hoda.
Dakumient unosić adpaviednaje źmianieńnie ŭ raździeł, jaki maje nazvu «Ahulnyja źviestki pra vučniaŭ».
Raniej tut ukazvalisia numar asabistaj kartki, proźvišča, imia i data naradžeńnia vučnia, a taksama proźvišča, imia, miesca žycharstva (znachodžańnia) i telefon jaho zakonnych pradstaŭnikoŭ.
Taksama farmuloŭka «zakonnyja pradstaŭniki» budzie zamieniena słovam «baćki». Aproč taho, dadasca pazicyja «rod zaniatkaŭ, miesca pracy baćkoŭ vučnia».