UEFA pa vynikach matča ź minskim «Dynama» aštrafavaŭ «Lehiju» za antyłukašenkaŭskija płakaty fanataŭ
Dyscyplinarny kamitet UEFA nakłaŭ štraf na varšaŭskuju «Lehiju» za płakaty, vyviešanyja fanatami kłuba na chatnim matčy ź minskim «Dynama» (4:0) u ramkach Lihi kanfierencyj.
03.12.2024 / 08:20
Za «raźmiaščeńnie na trybunach paviedamleńniaŭ, jakija nie adpaviadajuć charaktaru spartyŭnaha mierapryjemstva», «Lehii» treba budzie vypłacić 17,5 tysiačy jeŭra, piša By.tribuna.com.
Matč futbolnaj Lihi kanfierencyj «Lehija» — «Dynama» prajšoŭ 7 listapada u Varšavie. Na hulniu pryjšło šmat biełarusaŭ ź bieł-čyrvona-biełymi ściahami, a taksama jany prynieśli šmat antyłukašenkaŭskich płakataŭ.
Z anałahičnymi płakatami pryjšli taksama fanaty «Lehii».
U Biełarusi pa aficyjnych telekanałach pajadynak nie pakazvali.
Minskaje «Dynama» hulaje ŭ Varšavie. Na trybunach — BČB-ściahi i palityčnyja baniery ŠMAT FOTA