Jak vyhladaje i kolki kaštuje samaje darahoje lecišča ŭ Biełarusi
U Minskim rajonie pradajuć, badaj, samaje darahoje lecišča ŭ krainie.
03.12.2024 / 14:26
Płošča ŭčastka, na jakim raźmiaściŭsia cahlany budynak płoščaj 930 m2, davoli vialikaja (dla dačnaj terytoryi) — 12 sotak, piša «Točka».
Raźmieščany abjekt s/t «Malinka». Znachodzicca za 15 km ad Minska, pobač ź Juchnaŭskim zapaviednikam.
«Ekskluziŭny zaharadny dom, uźviedzieny ŭ kłasičnym styli pa indyvidualnym prajekcie ŭ ekałahična čystym rajonie», — skazana ŭ rekłamie abjekta.
U zahałoŭku abjavy ab prodažy paznačana, što košt lecišča z «šykoŭnym interjeram u pałacavym styli» — $5 młn, što pavodle aktualnaha kursu składaje 17,654 młn rubloŭ.
Unutranaje napaŭnieńnie čatyrochuzroŭnievaha cahlanaha doma ŭražvaje: «vytančanaja mebla italjanskich fabryk: Provasi, Riva, Bellotti Ezio, śviacilni Possoni, Masiero, jakija padkreślivajuć raskošnaje ŭbrańnie».
Pradaviec taksama dadaŭ, što azdableńnie sanvuzłoŭ vykanana plitkaj Versace, a kuchnia ŭkamplektavanaja technikaj premijalnych brendaŭ Gaggenau (Hiermanija) i Lacanche (Francyja).
Pabudavany abjekt u 2020 hodzie. Dach — mietaličny, aciapleńnie — hazavaje, jość kanalizacyja, a vada — sa śvidraviny.
Ziamla znachodzicca ŭ pryvatnaj ułasnaści. Na ŭčastku jość haraž.