U Varšavie pačynajecca sud pa spravie zhvałtavańnia i zabojstva biełaruski Lizy
Siońnia ŭ Akruhovym sudzie Varšavy pačniecca praces pa spravie ab zhvałtavańni i zabojstvie biełaruski Lizy Hiercen, piša Reform.news.
04.12.2024 / 09:01
Daryjana S. viaduć adrazu paśla zatrymańnia. Fota: srodmiescie.policja.gov.pl
25-hadovaja dziaŭčyna była znojdziena biez prytomnaści ŭ varotach doma ŭ centry polskaj stalicy 25 lutaha hetaha hoda. Jaje špitalizavali. 1 sakavika jana pamierła ŭ reanimacyi.
U zabojstvie na hlebie seksualnaha hvałtu abvinavačvajecca 23-hadovy Daryjan S. Kamiera nazirańnia zafiksavała, jak mužčyna ŭ bałakłavie padbieh da dziaŭčyny zzadu, prystaviŭ nož da šyi i ŭpichnuŭ u varoty. Padčas zatrymańnia chłopca palicyja znajšła ŭ jaho nož i inšyja dokazy.
Abvinavačanamu pahražaje ad 15 hadoŭ pazbaŭleńnia voli da pažyćciovaha źniavoleńnia.
Asnoŭnaja častka suda budzie zakrytaja, ale prysud mohuć ahučyć publična. Jašče adno pasiadžeńnie zapłanavana na 16 śniežnia.
Złačynstva vyklikała šyroki hramadski rezanans u Polščy. U Varšavie adbyŭsia marš suprać hvałtu ŭ pamiać ab zabitaj.
Lizu Hiercen pachavali na Paŭnočnych mohiłkach Varšavy VIDEA
«U Paryž razam z kachanym». Što napisała ŭ svaim dziońniku Liza, zabitaja ŭ Varšavie
Padazravany ŭ zabojstvie Lizy Hiercen pryznaŭ vinu