Minčanka sprabavała vykupić u skurałupa svajho sabaku i pieraviała afierystam bolš za 800 rubloŭ
U adzin ź dzion u žančyny źnik sabaka. Jana aktyŭna šukała hadavanca, u tym liku ŭ pablikach, pierakazvaje historyju staličnaja milicyja.
04.12.2024 / 15:40
Ilustracyjnaje fota
Nieŭzabavie minčancy ŭ VK napisała nieviadomaja, jakaja paviedamiła, što sabaku pradajuć praź internet-supołku. Zajaŭnica pierajšła pa spasyłcy i pieraviała hrošy, kab daviedacca danyja pradaŭca, paśla napisała jamu.
Mužčyna paviedamiŭ minčancy, što jaje čaćvieranohi siabar znachodzicca ŭ jaho i zapatrabavaŭ unieści pieradapłatu, pahražajučy što naškodzić hadavancu.
Žančyna pahadziłasia, adnak joj znoŭ pastupiła paviedamleńnie ad nieviadomaj, jakaja skazała, što pradaviec źjaŭlajecca skurałupam
Spałochaŭšysia za svajho sabaku, minčanka pieraviała mužčynu hrošy i paprasiła jaho nie čapać hadavanca. U adkaz na heta pradaviec zapatrabavaŭ zapłacić, abiacajučy, što pryviazie sabaku ŭ skryncy va ŭmoŭlenaje miesca. Minčanka zrazumieła, što jaje padmanuli, paśla čaho źviarnułasia ŭ milicyju.