Va Ukrainie paśpiachova vyprabavanaja novaja rakieta «Ruta»
Va Ukrainie paśpiachova vyprabavanaja novaja rakieta «Ruta», paviedamiŭ Uładzimir Zialenski ŭ Kijevie na cyrymonii ŭručeńni Nacyjanalnaj premii Ukrainy imia Barysa Patona.
11.12.2024 / 08:01
Uładzimir Zialenski. Fota: President.gov.ua
Prezident Ukrainy nie pryvioŭ nijakich padrabiaznaściaŭ nakont techničnych charaktarystyk rakiety.
Vizualna rakieta «Ruta» nahadvaje «Tamahaŭk». Admietnyja pieravahi rakiety: spałučeńnie nizkaha koštu, pamieru karysnaj nahruzki i chutkaści, što robić jaje idealnaj dla vykanańnia mnostva misij.
Rakieta «Ruta»
Jak piša «Ukrainskaja praŭda», Zialenski taksama paviedamiŭ, što novaja dalnabojnaja rakieta-dron «Palanica», upieršyniu ŭžytaja ŭ bajavych umovach u žniŭni 2024 hoda, pastupiła ŭ sieryjnuju vytvorčaść.
Raniej paviedamlałasia pra rakietu-dron «Piekła». Pavodle Zialenskaha, dniami ŭkrainskim siłam abarony była pieradadzienaja pieršaja partyja.
«Žudasnaj realnaściu dla akupantaŭ» nazvaŭ Zialenski dalnabojnuju rakietu «Niaptun», pastupleńnie jakoj u vojski čakajecca ŭ chutkim časie.
U vajnie suprać Rasii, sa słoŭ prezidenta Ukrainy, «aktyŭna vykarystoŭvajucca» drony roznaha pryznačeńnia, raspracavanyja i vyrablenyja va Ukrainie. Jany ŭžyvajucca jak na froncie, tak i «ŭ varožym tyle», adznačyŭ Zialenski.
Va Ukrainie źjaviłasia novaja rakieta-dron «Piekła»
Zialenski raskazaŭ pra ŭkrainskuju rakietu-dron «Palanica»
Ukraina stvaryła ŭłasnuju vysokadakładnuju bombu