Rasijskich artystaŭ Manietačku i Noize MC naminavali na Nobieleŭskuju premiju miru
Ich kandydatury padtrymali supracoŭniki Staličnaha ŭniviersiteta ŭ narviežskim Osła.
11.12.2024 / 13:03
Manietačka i Noise MC. Fota z sacsietak
Rasijskich vykanaŭcaŭ Lizavietu Hyrdymavu, viadomuju jak Manietačka, i Ivana Alaksiejeva, jaki vystupaje pad psieŭdanimam Noize MC, naminavali na Nobieleŭskuju premiju miru 2025 hoda.
Artystaŭ na premiju vyłučyli supracoŭniki Staličnaha ŭniviersiteta ŭ Osła. Prafiesar Arnfin Muruvik Vonien raspavioŭ žurnalistu Uładzimiru Rajeŭskamu, što Manietačka i Noize MC «pradstaŭlajuć svaimi hałasami novaje pakaleńnie, jakoje vielmi mocna vykazvajecca za humanistyčnyja kaštoŭnaści».
Naminacyju paćvierdziła i mieniedžarka Ivana Alaksiejeva, piša «Ahienctva».
I Manietačka, i Noize MC asudzili poŭnamaštabnaje ŭvarvańnie i źjechali z Rasii. Na svaich kancertach jany ŭ tym liku źbirali hrošy dla dapamohi Ukrainie.
U Rasii abodva vykanaŭcy pryznanyja zamiežnymi ahientami, na ich zaviedzienyja kryminalnyja spravy.
Zajaŭki na Nobieleŭskuju premiju miru mohuć padavać prafiesary ŭniviersitetaŭ, hanarovyja prafiesary i dacenty historyi, sacyjalnych navuk, prava, fiłasofii, teałohii i relihii. Premiju ŭručajuć za važki ŭkład u zhurtavańnie narodaŭ, likvidacyju abo skaračeńnie kolkaści pastajannych armij abo ŭ raźvićcio mirnych inicyjatyŭ.
U 2022 hodzie Nobieleŭskuju premiju miru atrymaŭ biełaruski pravaabaronca i palitviazień Aleś Bialacki.