Sielena Homies zajaviła, što vychodzić zamuž i pakazała zaručalny piarścionak FOTAFAKT
Amierykanskaja śpiavačka i aktrysa Sielena Homies abviaściła pra zaručyny z pradziusaram Bieni Błanka.
12.12.2024 / 16:16
Fota ź instahrama Sieleny Homies
Radasnaj navinoj 32-hadovaja śpiavačka i aktrysa, zorka sieryjała «Zabojstvaŭ u adnym budynku», padzialiłasia ŭ sacsietkach, dadaŭšy: «Nazaŭždy pačynajecca zaraz».
Homies apublikavała fota zaručalnaha piarścionka z novym žanichom. A taksama kadr z ramantyčnaha piknika, padčas jakoha, padobna, adbyłosia pryznańnie.
Sielena i Bieni znajomyja daŭno, ale pra ich adnosiny stała viadoma kala hoda tamu. Tady śpiavačka ŭpieršyniu apublikavała sumiesnaje fota z kachanym i dała zrazumieć prychilnikam, što bolš nie samotnaja.
Padpisčyki, jakich u Sieleny 423 młn, a taksama kalehi vinšujuć śpiavačku z radasnaj padziejaj. Siarod ich — Tejłar Śvift, Hviniet Pełtrou, Dženifier Enistan i mnohija inšyja.
Tejłar Śvift napisała: «Tak, ja budu nieści kvietki na viasielli».