Z pačatku hoda bolš za 300 čałaviek asudzili za «prapahandu nacyzmu»
Z pačatku hoda 313 čałaviek pryciahnuta ŭ Biełarusi da administracyjnaj adkaznaści za «prapahandu, publičnaje demanstravańnie nacysckaj simvoliki abo atrybutyki» (art.19.10 KaAP). Pra heta zajaviŭ 12 śniežnia staršynia Viarchoŭnaha suda Valancin Sukała, vystupajučy ŭ Minsku na Mižnarodnaj navukova-praktyčnaj kanfierencyi, prymierkavanaj da hadaviny pryniaćcia Kanviencyi AAN ab papiaredžańni hienacydu i pakarańni za jaho.
12.12.2024 / 20:48
Fota: Hieprakuratura
Pa słovach Sukały,
«adzin čałaviek pryciahnuty [da adkaznaści] za reabilitacyju nacyzmu [pa art. 1301 Kryminalnaha kodeksa] i jašče adzin asudžany za raźmiaščeńnie takoj infarmacyi ŭ sietcy Internet».
«Ažyćciaŭleńnie pravasudździa pa takich kryminalnych spravach akazvaje surjoznaje infarmacyjna-aśvietnickaje ŭździejańnie na naša hramadstva. Dazvalaje pradstavić i raspaŭsiudzić dakładnuju infarmacyju pra trahiedyju vajennaha času i jaho nastupstvy», — skazaŭ Valancin Sukała.
Ułady ŭzmacnili baraćbu z «reabilitacyjaj nacyzmu» paśla prezidenckich vybaraŭ 2020 hoda i masavych pratestaŭ, jakija rušyli za imi. Dziaržaŭnaja prapahanda i čynoŭniki pastajanna padymajuć temu nibyta najaŭnaj suviazi pamiž prychilnikami pieramienaŭ i nacyzmam.
Biełaruś budzie patrabavać kampiensacyj strataŭ ad «hienacydu ŭ hady Vialikaj Ajčynnaj vajny»
Viciebskaha doktara buduć sudzić za «reabilitacyju nacyzmu». Jaho strašna źbili pry zatrymańni
Žychara Minskaha rajona buduć sudzić za admaŭleńnie hienacydu biełaruskaha naroda
Bondarava radujecca, što kahości zatrymali za nacysckuju simvoliku. A ŭ samoj…