«Ačahoŭ, jak my bačym, niekalki». Strašna hareŭ handlovy centr u Viciebsku VIDEA
Zmahańnie z ahniom u handlovym centry ŭ Viciebsku praciahvajecca ŭžo čatyry hadziny. Paviedamlajecca, što terytoryja vakoł HC «Biełaruś» ačeplenaja milicyjaj. Tudy pryjechaŭ staršynia abłvykankama.
13.12.2024 / 18:53
Uviečary 13 śniežnia ŭ Viciebsku adbyŭsia pažar u handlovym centry «Biełaruś» na vulicy Hienierała Biełabarodava. Pavodle danych Ministerstva achovy zdaroŭja, u miedustanovach horada Viciebska ŭ vyniku pažaru akazvajecca dapamoha 10-ci paciarpiełym. Troje ź ich — u ciažkim stanie. Mahčyma, paciarpiełych bolš, čym pakul viadoma.
Načalnik Viciebskaha haradskoha adździeła pa nadzvyčajnych situacyjach paviedamiŭ:
«Na hety momant pravodzicca raźviedka pa ŭsich pavierchach budynka, pravodziacca pošuki mahčymych paciarpiełych i vyjaŭleńnie ačahoŭ uzharańnia.
Ačahoŭ, jak my bačym, niekalki. Padraździaleńni MNS praciahvajuć pracavać na miescy incydentu. Pažar łakalizavany».
U sacsietkach źjaviłasia šmat videa, na jakich vidać, jak vyhladaŭ vialiki pažar u handlovym centry zvonku.
U Viciebsku zahareŭsia handlovy centr. Jość paciarpiełyja
U Ašmianskim rajonie mužčyna linuŭ bienzinam u piečku, kab lepš hareła
U Mastach druhakłaśnik vyratavaŭ kata z sabakam ad pažaru
U Čavusach, pakul siamja była ŭ haściach, u ich dvary zhareli čatyry haspadarčyja pabudovy