Polšča padčas staršynstva ŭ ES budzie damahacca ŭzmacnieńnia sankcyj adnosna Biełarusi i Rasii
Polšča padčas svajho staršynstva ŭ Jeŭrasajuzie ŭ pieršaj pałovie 2025 hoda budzie trymacca paśladoŭnaj palityki ŭ dačynieńni da Biełarusi i Rasii, u tym liku damahacca ŭzmacnieńnia sankcyj i supraćdziejničać ich abychodu. Pra heta zajaviŭ ministr zamiežnych spraŭ Polščy Radasłaŭ Sikorski, pradstaŭlajučy pryjarytety polskaha staršynstva ŭ śfiery źniešniaj palityki.
13.12.2024 / 19:35
Ministr zamiežnych spraŭ Polščy Radasłaŭ Sikorski. Fota: Maxym Marusenko / NurPhoto via Getty Images
«Devizam našaha staršynstva źjaŭlajecca biaśpieka Jeŭropy. Z hetaj pryčyny praca staršynstva budzie zasiarodžanaja na maksimalnaj padtrymcy Ukrainy, zachavańni biahučaj palityki ŭ dačynieńni da Rasii i Biełarusi, a taksama ŭmacavańni biaśpieki i ŭstojlivaści Jeŭrasajuza», — zajaviŭ jon.
«Metaj staršynstva stanie ŭzmacnieńnie sankcyj Jeŭrasajuza suprać ahresaraŭ Rasii i Biełarusi i baraćba ź ich abychodam», — dadaŭ ministr.
Sikorski anansavaŭ praviadzieńnie 25 lutaha kanfierencyi, pryśviečanaj sankcyjnaj palitycy.
«Polskaje staršynstva budzie imknucca da taho, kab Rasija sutyknułasia z nastupstvami svajoj ahresii, jak jurydyčnymi, tak i finansavymi. Budziem imknucca zaručycca padtrymkaj dziaržaŭ-členaŭ dla poŭnaha vykarystańnia zamarožanych aktyvaŭ centralnaha banka Rasii dla padtrymki Ukrainy», — skazaŭ jon.
Pavodle słoŭ polskaha ministra, Polšča taksama budzie damahacca, kab Jeŭrasajuz nie viartaŭsia da supracoŭnictva z RF i Biełaruśsiu da zakančeńnia ahresii.
Kiraŭnik MZS Polščy: Ja začyniu ŭsie rasijskija konsulstvy, kali Maskva praciahnie dyviersii
MZS Polščy choča źmianić kryteryi vydačy kartaŭ palaka
«My nie zrobim ni kroku nazad». U Poznani zakryvajuć hienieralnaje konsulstva Rasii