Vyjšaŭ kalandar z cytatami biełaruskich litarataraŭ
Biełaruskaje kulturnaje tavarystva KuB e.V, jakoje dziejničaje ŭ Niamieččynie, vypuściła kalandar na 2025 hod z cytatami biełaruskich piśmieńnikaŭ i piśmieńnic, piša bellit.info
14.12.2024 / 09:29
Kožny miesiac, kožnaja staronka — heta sustreča z adnym z sučasnych litarataraŭ, siarod jakich Jeva Viežnaviec, Jula Cimafiejeva, Andrej Chadanovič, Viera Burłak, Alaksandr Čarnucha, Alhierd Bacharevič i inšyja.
Kalandar azdobleny aŭtarskimi fotazdymkami Juryja Šulhieviča, padboram tekstaŭ zajmałasia Natalla Staravojtava. Kalandar dastupny ŭ dźviuch viersijach: biełaruskaj i niamieckaj — što robić jaho cudoŭnym varyjantam dla padarunku ŭ tym liku i niamieckamoŭnym znajomym.
Kab zamović kalandar, treba napisać na kalender@kub-verein.de.