U Iranie zatrymali śpiavačku, jakaja praśpiavała biez chidžaba. Ale niečakana jaje adpuścili
Śpiecsłužby Irana zatrymali Parastu Achmadzi razam z muzykami paśla vychadu na jutubie anłajn-kancerta, dzie dziaŭčyna śpiavała z aholenymi plačyma i biez chidžabu. Joj pahražała da śmiarotnaha pakarańnia, ale niečakana jaje adpuścili.
15.12.2024 / 09:36
Niahledziačy na toje, što jutub abmiežavany ŭ Iranie, vystup za sutki pahladzieli 1,5 młn razoŭ.
Iranskija zakony zabaraniajuć žančynam śpiavać solna abo źjaŭlacca na publicy biez chidžaba. A niadaŭna byŭ pryniaty zakon, zhodna ź jakim ludziam, abvinavačanym u «prapahandzie abo raspaŭsiudzie nieprystojnaści, admovie ad chidžaba», pahražaje da 10 hadoŭ. U asobnych vypadkach za heta pahražaje navat śmiarotnaje pakarańnie.
Ale niečakana kiraŭnictva palicyi sabrała bryfinh, na jakim było abvieščana, što śpiavačku adpuścili dadomu. U sacsietkach vinšujuć dziaŭčynu i jaje rodnych ź pieramohaj.