Łukašenka padaryŭ sułtanu Amana pistalet-kulamiot Špahina
Hetymi dniami Łukašenka znachodzicca ŭ Amanie.
16.12.2024 / 07:53
Fota: President.gov.by
Učora jon i sułtan Chasan bien Tarek Al Said u stalicy krainy Maskacie praviali pieramovy, paviedamlaje pres-słužba.
Łukašenka padaryŭ amanskamu lidaru słucki pojas i pistalet-kulamiot Špahina (pa-rusku PPŠ), jaki vykarystoŭvasia padčas Druhoj suśvietnaj vajny i byŭ asnoŭnaj zbrojaj piachoty, a sałdaty i partyzany nazyvali jaho — «Papaša».
Da siaredziny 1960-ch hadoŭ PPŠ byŭ źniaty z uzbrajeńnia Savieckaj Armii i pastupova zamienieny aŭtamatam Kałašnikava. Na ŭzbrajeńni padraździaleńniaŭ vajenizavanaj achovy i MUS šerahu krain SND znachodzicca zaraz.
U svaju čarhu sułtan padaryŭ Łukašenku tradycyjny amanski kinžał Chandžar.