Mužčyna sprabavaŭ zavieźci ŭ Biełaruś załaty rovar. Akazałasia, jon kaštuje, jak mašyna
Pry hetym biełarus chacieŭ praskočyć praź zialony kalidor.
19.12.2024 / 13:59
Fota: Dziaržkamitet sudovych ekśpiertyz
Biełaruskija mytniki ŭ punkcie propusku «Varšaŭski most» na miažy z Polščaj źviarnuli ŭvahu na mužčynu, jaki vioz rovar załatoha koleru. Biełarus sprabavaŭ pravieźci razabrany rovar praź zialony kalidor.
Mužčyna patłumačyŭ, što kupiŭ transpart u Minsku za 250 dalaraŭ i vaziŭ jaho ŭ Polšču na ramont. Ale mytnikaŭ niešta źbiantežyła, i jany vyrašyli pravieści ekśpiertyzu.
Akazałasia, što rovar byŭ i ekskluziŭnaj partyi — takich było vypuščana ŭsiaho 50 štuk.
Jon abstalavany hidraŭličnymi dyskavymi tarmazami i elektronnymi pieraklučalnikami, detalami ad viadučych suśvietnych vytvorcaŭ z vykarystańniem tryvałych i lohkich materyjałaŭ: karbonu, kieramiki, kalarovych mietałaŭ, piša Dziaržkamitet sudovych ekśpiertyz.
Šyny na rovary byli ad vytvorcy šyn dla «Formuły-1», rama i niekatoryja inšyja elemienty pakrytyja susalnym zołatam.
Ekśpierty pryjšli da vysnovy, što taki rovar kaštuje bolš za 62 tysiačy rubloŭ.
Mužčynu, jaki nie zadekłaravaŭ rovar, pryjdziecca zapłacić vialiki štraf: u pamiery ad 10 da 30 pracentaŭ ad koštu.