Hrodzieniec vyrablaje niezvyčajnyja doški dla sierviroŭki i ŭpryhožvaje ich sapraŭdnymi kvietkami
Hrodzieniec Juryj robić doški dla sierviroŭki i dekaruje ich suchaćvietami i epaksidnaj smałoj. Svaje niezvyčajnyja vyraby mužčyna pakazvaje ŭ TikTok. Hrodna.life daviedaŭsia, dzie možna nabyć vyraby Juryja i ŭ kolki jany abyducca.
19.12.2024 / 15:16
Juryj pracuje z roznymi vidami draŭniny: klonam, jasieniem, dubam i čarešniaj. Spačatku mužčyna apracoŭvaje dreva i vypiłoŭvaje prydatnuju formu. Dalej Juryj raskładvaje suchaćviety ŭ vyznačanym paradku, kab atrymaŭsia pryrodny malunak, a zatym — zalivaje ich epaksidnaj smałoj.
Akramia došak hrodzieniec robić kašpo, mienažnicy i navat aromaśviečki ŭ abrykosie.
Košty na vyraby hrodzienca varjirujucca ŭ zaležnaści ad pamieru i składanaści pracy. Naprykład, nievialikaje kašpo abydziecca ŭ 28 rub., śviečka kaštuje 22 rub., a doška z epaksidnaj smałoj — 80 rub.
Svaju pradukcyju mužčyna realizuje ŭ HC Karona na Horkaha, 91. Taksama zamović vyraby Juryja možna anłajn.