Estonija abmiažoŭvaje ŭdzieł svajoj moładzi ŭ mierapryjemstvach na terytoryi Biełarusi i Rasii
Ministerstva zamiežnych spraŭ Estonii abviaściła ab uviadzieńni zabarony na arhanizacyju ŭdziełu hramadzian krainy va ŭzroście da 21 hoda i takich ža asob, jakija majuć dazvoł na žycharstva ŭ krainie, u mierapryjemstvach, jakija pravodziacca ŭ intaresach Rasii i Biełarusi na ich terytoryi i na akupavanych terytoryjach Ukrainy.
19.12.2024 / 16:22
Akramia taho, zabaraniajecca zahadzia i niepasredna spryjać udziełu ŭ takich mierapryjemstvach, prymać jakija-niebudź srodki abo vyhady ad ustanoŭ, arhanizacyj i asob, jakija arhanizujuć abo padtrymlivajuć takuju dziejnaść, havorycca ŭ paviedamleńni MZS krainy.
«Rasija šukaje sposaby apraŭdać svaju ahresiju i raspaŭsiudzić svaju ideałohiju, i adzin sa sposabaŭ zrabić heta — praz kulturu, pracu z moładździu i sport. Asabliva žudasna, kali dziejnaść pa akazańni ŭpłyvu nakiravanaja na dziaciej i maładych ludziej, jakija mohuć nie razumieć, što za vielizarnaj mahčymaściu moža chavacca niebiaśpieka», — havorycca ŭ zajavie ministra zamiežnych spraŭ Estonii Marhusa Cachkny.
Ministr padkreśliŭ, što pryniatyja estonskaj dziaržavaj miery nakiravanyja nie suprać moładzi, a suprać arhanizataraŭ mierapryjemstvaŭ.
Krainam ES dazvolili abmiažoŭvać prava na prytułak dla mihrantaŭ
U biełaruskich turmach znachodziacca troje hramadzian Estonii
Krainy Bałtyi i Skandynavii vystupili za pavieličeńnie dapamohi Ukrainie ŭ adkaz na ahresiju RF