U Žytkavičach 14-hadovaha junaka asudzili na siem hadoŭ kałonii. Za što?
Da paŭnalećcia jon budzie adbyvać pakarańnie ŭ vychavaŭčaj kałonii, a paśla jaho pieraviaduć u darosłuju papraŭčuju kałoniju.
20.12.2024 / 00:23
Ilustracyjny zdymak
Sud Žytkavickaha rajona vynies prysud pa spravie ab narkotykach. Fihurant — 14-hadovy junak, jaki vučyŭsia ŭ Kalinkavičach.
Chłopiec nabyŭ psichatropnaje rečyva 4-SMS, a ŭviečary raskłaŭ pa tajnikach u Žytkavičach.
Padletka ŭziali pad vartu ŭ navučalnaj ustanovie ŭ prysutnaści adnakłaśnikaŭ. «Kab moładź razumieła, što ŭjaŭna lohki supraćzakonny šlach zarobku viadzie da surjoznych nastupstvaŭ», — adznačajuć siłaviki.
U vyniku chłopiec atrymaŭ 7 hadoŭ vychavaŭčaj kałonii.