Rasija atakavała Ukrainu rakietami: u Kijevie prahrymieli vybuchi
Ranicaj piatnicy, 20 śniežnia, rasijanie atakavali Ukrainu rakietami. Puski ažyćciaviła stratehičnaja avijacyja.
20.12.2024 / 08:50
Ilustracyjnaje fota
Jak paviedamlajuć pavietranyja siły USU, maštabnuju pavietranuju tryvohu pa ŭsioj Ukrainie abviaścili z-za ŭźlotu varožych MiH-31k. nie ŭdakładniałasia, kolki bartoŭ u pavietry, piša UNIAN.
Kala 7 ranicy rasijskija samaloty ažyćciavili puski rakiet u napramku Kijeva. Za ličanyja chviliny ŭ Kijevie prahrymieli vybuchi. Manitorynhavyja kanały paviedamili pra ŭžyvańnie balistyčnych rakiet, vierahodna «kinžałaŭ».
Mer Kijeva Vital Kličko paviedamiŭ, što ŭ stalicy pracuje SPA. Jon zaklikaŭ kijaŭlan znachodzicca ŭ schoviščach
Paśla Kličko paviedamiŭ, što ŭ Hałasiejeŭsiom rajonie ŭ vyniku padzieńnia abłomkaŭ rakiety pałajuć aŭto. Ekstrannyja słužby nakiroŭvajucca na miesca. Tudy ž adpravilisia miedyki.
Taksama abłomki rakiety ŭpali ŭ Dniaproŭskim rajonie, paviedamlaje Kijeŭskaja haradskaja vajennaja administracyja.