Adnaho z paciarpiełych arandataraŭ HC «Biełaruś» u Viciebsku na hetym tydni kidali na paru sutak u izalatar
Z paniadziełka pa sieradu Pavieł Klimionak, uładalnik punkta «Reanimata» pa ramoncie telefonaŭ, pravioŭ u IČU. Zatrymali jaho pa darozie na pracu — vierahodna, u jašče adnym jahonym punkcie ŭ «Biełarusi», piša telehram-kanał «Viciebsk, ja hulaju».
21.12.2024 / 10:34
Pavieł raspavioŭ u sacsietkach pra svoj harotny dośvied, ale nie raskryvaje pryčyny traplańnia tudy.
24.3 KaAP — niepadparadkavańnie zakonnamu rasparadžeńniu abo patrabavańniu słužbovaj asoby pry vykanańni im słužbovych paŭnamoctvaŭ. Padobna na toje, sud zaviaršyŭsia štrafam, bo mužčyna ŭžo na voli.
U tyktoku mužčyna raspaviadaje pra nastupstvy pažaru dla svajho biznesu: jaho technika ŭ HC na 90% acaleła, ale prakapciłasia, pachnie harełym płastykam.
Dzielicca mužčyna i etapami adkryćcia majsterni ŭžo ŭ inšym miescy — u HC «Mieha».