Мінабароны Расіі: Украінскія дроны атакавалі Казань трыма хвалямі
Міністэрства абароны Расіі паведаміла, што 21 снежня 2024 года Узброеныя сілы Украіны (УСУ) здзейснілі напад на Казань з выкарыстаннем дронаў. Напад адбываўся ў тры хвалі з розных напрамкаў з 7:40 да 9:20 па маскоўскім часе.
21.12.2024 / 11:35
У выніку нападу дроны былі знішчаныя сродкамі СПА, а таксама падаўленыя сродкамі радыёэлектроннай барацьбы (РЭБ). Паводле інфармацыі Мінабароны, тры БПЛА былі збіты, яшчэ тры — знішчаны сродкамі РЭБ.
Акрамя таго, улады Татарстана паведамілі пра восем прылётаў дронаў, шэсць з якіх трапілі ў жылыя дамы, а адзін — у прамысловы аб'ект. Улады ўдакладнілі, што напад на прамысловае прадпрыемства не ўдаўся. Узніклі пажары ў трох раёнах горада, але інфармацыі пра пацярпелых пакуль няма.
На фоне нападу былі эвакуяваныя некаторыя школы Казані і змены на прамысловых прадпрыемствах.
Аэрапорт Казані часова прыпыніў палёты, таксама ўведзены абмежаванні на працу аэрапортаў у Іжэўску і Саратаве.
Улады Татарстана адмянілі ўсе запланаваныя на выхадныя масавыя мерапрыемствы.
Украінскія беспілотнікі атакавалі Казань
У Татарстане адмянілі ўсе масавыя мерапрыемствы