Saudaŭskaja Aravija papiaredžvała Hiermaniju pra niebiaśpieku čałavieka, jaki zajechaŭ u natoŭp u Mahdeburhu
Ahienctva Reuters sa spasyłkaj na ŭłasnuju krynicu ŭ Saudaŭskaj Aravii paviedamiła, što kraina zahadzia papiaredžvała Hiermaniju pra arabskaha lekara, jaki ŭčyniŭ najezd na aŭtamabili.
21.12.2024 / 17:09
Fota: Craig Stennett/Getty Images
«Saudaŭskaja Aravija papiaredziła ŭłady Hiermanii pra napadnika paśla taho, jak jon apublikavaŭ na svaim asabistym akaŭncie X ekstremisckija pohlady, jakija pahražajuć miru i biaśpiecy», — havorycca ŭ publikacyi.
Raniej paviedamlałasia, što 20 śniežnia 50-hadovy mužčyna pa imi Taleb al-Abdułmachsien na ciomnym BMW zajechaŭ u natoŭp i prajechaŭ kala 400 mietraŭ pa pieradkaladnym rynku. Paciarpieli bolš za 200 čałaviek, ź ich jak minimum piać zahinuli.
«Kolkaść zahinułych u vyniku napadu na kaladny kirmaš u Mahdeburhu ŭzrasła da piaci», — zajaviŭ prezident ziamli Saksonii-Anchalt Rajner Chaziełof padčas vizitu kanclera Hiermanii Ołafa Šolca na miesca katastrofy. Pra heta paviedamiła niamieckaje telebačańnie MDR.
Kolkaść achviar teraktu ŭ Hiermanii vyrasła da čatyroch, paciarpiełych — da 205
Najezd na ludziej u Mahdeburhu zrabiŭ mužčyna rodam z Saudaŭskaj Aravii
U niamieckim Mahdeburhu aŭtamabil taraniŭ ludziej na kaladnym kirmašy