Minsk pačaŭ atrymlivać tramvai ź nizkaj padłohaj. Voś jak jany vyhladajuć
Heta pieršaja novaja madel za šmat hadoŭ, piša Blizko.by.
22.12.2024 / 13:34
«Tramvai T811 dla Minska narešcie možna razhledzieć biez achoŭnaj plonki», paviedamiŭ «BKM Chołdynh» (jon ža «Biełkamunmaš»).
«BKM Chołdynh» pačynaje adhruzku, pryjomku viaduć śpiecyjalisty «Minsktransa». Pierad vychadam na linii z pasažyrami vahony jašče pavinny prajści abkatku.
Daŭžynia tramvaja — 16,5 mietra, maksimalnaja masa — 33 tony, u sałonie 35 siadziačych miescaŭ, a ŭsiaho vahon moža pryniać 159 pasažyraŭ.
Niahledziačy na toje, što tramvaj adnasiekcyjny, u jaho čatyry dźviery, što pavinna palehčyć uvachod-vychad pasažyraŭ z sałona. U sałonie jość kandycyjanier, dadatkova možna ŭstalavać sistemu ŭliku pasažyrapatoku, GPS i Wi-Fi.