ZŠA moža vyjści z SAAZ adrazu paśla inaŭhuracyi Trampa
Kamanda Donalda Trampa maje namier vyvieści ZŠA z SAAZ u dzień inaŭhuracyi Trampa — 20 studzienia, piša Financial Times.
22.12.2024 / 15:40
Jašče ŭ svoj pieršy prezidencki termin Tramp abviaściŭ ab vychadzie z SAAZ, krytykujučy arhanizacyju za dziejańni ŭ chodzie pandemii karanavirusa i nazyvajučy jaje maryjanietkaj Kitaja. ZŠA pavinny byli pakinuć arhanizacyju ŭ lipieni 2021 hoda, ale Džo Bajden u admianiŭ heta rašeńnie.
Ciapier kamanda Trampa ličyć simvaličnym vyjści z SAAZ u pieršy dzień jaho prezidenctva.
U vyniku SAAZ pazbavicca svajho najbujniejšaha donara: za apošnija dva hady ZŠA zabiaśpiečyli kala 16% finansavańnia.
Paśla pieramohi na prezidenckich vybarach Tramp prapanavaŭ šerah sprečnych fihur na viadučyja roli ŭ svajoj administracyi. Adna ź ich na pasadu ministra achovy zdaroŭja — Robierta Kienedzi-małodšaha — aktyŭnaha antyvaksiera i prychilnika kanśpirałahičnych teoryj.